ABACUNGUZI BA FDLR/FOCA

[Paul Kagame]

UBUTUMWA BW’UBUYOBOZI BUKURU BWA FOCA BUGENEWE ABACUNGUZI BA FDLR/FOCA.

Kuva tariki ya 27 Gicurasi 2016, koloneli Irategeka Wilson wari vise Perezida wa kabiri w’urugaga FDLR, yaragumutse, yanga ibyemezo yafatiwe na komite nyobozi yateranye nka Comité de Résistance National des FDLR tariki ya 23 kugeza 26 Gicurasi, kubera amakosa yo kutumvira ubutegetsi bumukuriye, no gushora impunzi z’Abacunguzi mu bikorwa binyuranye n’urugamba turwana rwo kuzirengera no kuzazitahana mu cyubahiro zifite ijambo mu gihugu cyacu.
Kuva tariki ya 30 Gicurasi 2016, ari guhamagarira abacunguzi bamwe ba FOCA b’umutima mucye woroshye kugumuka bitabira icyo yita CNRD-ubwiyunge,(Conseil National pour la Réconciliation et la Démocratie)
Yashingiye ibirindiro i Nyarubande (Bwito / Rutchuru)muri RD Congo.

Iryo gumuka rifite imizi kure ishingiye mu gushwanisha abacunguzi, no gushaka gusenya FDLR ngo aboneremo indonke y’amafaranga, no kujya gutuzwa mu mahanga ya kure mu munezero.

Bacunguzi, Bacunguzikazi, mwibuke bya hafi, ibyo twagiye tubagezaho bya : la grande enigme des FDLR by’amacakubiri ya « ndugustes na kigustes » ; ibya CPC (Coalition des partis politiques pour le changement) ; ibya ERM (Equal Rights Movement), none bigeze na CRND-ubwiyunge. Nta bwiyunge nta bumwe Irategeka Wilson ashaka bw’abacunguzi, habe n’ubw’abanyarwanda. Kuko mu byo arimo gukora, ari kuvangura, yikururira, ahera ku aba Nyakabanda (Gitarama) aho avuka n’abandi babyitabira ku izina gusa ngo « ndi uwo mu majyepfo y’u Rwanda ».

Ubutegetsi bwa FOCA by’umwihariko, buramagana koloneli Irategeka Wilson n’abategetsi ba gisirikari bamuyobotse kwigumura mu nzego zose, bakomeje no kunyonya abacunguzi babashukisha intica ntikize y’udufaranga. Yo se izageza ryari ? Bacunguzi, twakwibagirwa ibyagendekeye abo ba Mahoro Jerubali na cemuce (CMC : Commandement Miltaire pour le Changement ), na Musare na rudi ye (RUD : …) bashutse ? Ubu bahagaze he ? Gute ? Irategeka alias Lumbago niyo CRND se nibo gakiza gashya azaniye abacunguzi ?

Ubuyobozi bwa FOCA, burasaba abacunguzi bakurikiye buhumyi abigumuye ko bashyira ubwenge ku gihe, bakibaza, bakisubiza, bakaba abagabo bakagaruka mu nzira nziza ya FDLR/FOCA. Bagarutse mu gihe kitarenze iminsi icumi uhereye tariki ya 1 Kamena 2016, bakagarukana ibikoresho by’Urugaga FDLR batwaye, barababarirwa. Nyuma y’aho n’Imana imbabazi ntiyazitanga.

Abinangiye, bakomeje gushukwa, ngo bagiye mu gisirikari gihemba buri kwezi, bazi uko byagendekeye aba twavuze haruguru, nibagende bazi ko bagiye kubacyura bugwate mu Rwanda kandi ko ingoyi ya Kagame ibategereje. Bibuke ko twasimbutse inzitizi nyinshi z’abakinisha politiki nka Higiro JMV, Rwarakabije Paul, Muhindo Hyacinte n’abandi… Basimbuke n’uru !

Ubutegetsi bwa FOCA burashima abatangiye kwitandukanya n’abo bagizi ba nabi bashaka gusenya FDLR, bafashijwe n’amahanga amwe y’iyi si abari inyuma, batazi “agati kateretswe n’Imana”.

Ubutegetsi bwa FDLR/FOCA burashimira bunizeza abakomeje umutsi (résister ) ko bazi kureba kure heza hazaza ; kandi batibagirwa vuba amateka twanyuzemo y’u Rwanda ; barangaza imbere inyungu za rubanda nyamwinshi itsikamiwe ngo bababohore agahotoro k’ingoma mbi nkora maraso ya FPR Inkotanyi.

Ubuyobozi bwa FOCA burizeza kandi abanyarwanda bose, cyane b’impunzi aho bari hose ko itazatezuka, ku mugambi wo kubohoza abarengana bose ku ruhembe rw’umuheto niba inzira y’amahoro n’ibiganiro na Leta ya Kigali itabonetse.

Bacunguzi, Bacunguzikazi n’incuti ba FDLR/FOCA, dukomeze umutsi, tumenye ko Imana ifasha uwifashije kandi ko intsinzi iri hafi !
Twirinde amacakubiri y’uturere, izo ngumuke ziri gucengeza mu bantu.
Amen !
Bikozwe tariki ya 3 Kamena 2016
Le Commandant des FOCA
(sé)

Criminal Paul Kagame

Topic

[Paul Kagame]

Iki kintu cyafasha:

kujya hanze ntibigomba kuba intandaro yo kubona amakosa y’ubutegetsi utari usanzwe ubona, nanone kandi kuba mu gihugu ntibivuze kuba impumyi ngo ushyigikire amakosa, uyaceceke kuko hari n’abatimenya. Kuyavuga si ubugoryi.

Ikindi nanone, amakosa aterwa n’intege nke buri muntu yayihanganira icyo turwanya ni amakosa n’ibyaha biba ku bushake.

Bya bikorwa by’agahimano ababikora bibeshyako bo bitabareba kandi aribo bizagiraho ingaruka mbere:

urugero—Nk’umuntu ufata umwanzuro wo gukoresha abakozi b’abanebwe batanabyumva hari abatanga umusaruro wisumbuye, ibyo bizateza itekinika. Niribaho wa wundi wariteje rizamuvuna kurusha urikorerwa. Nk’umufonctionnaire n’umuhinzi, iyo bagiye mu miruho, utamenyereye ni we upfa mbere.

Umucuruzi wifuriza abakiriya be ubushomeri ngo batazanganya imari, iyo atari ikigoryi aba ari umwiyahuzi. Akenshi abiyahuzi banapfa bonyine. Hari ingero.

Ubwo rero buri muntu amenyeko uko abiba ari ko azasarura.

Hari n’abandi bafata intambara nk’umurimo ntibakore. Ibyo kubibabuza ni munyungu zabo kuko mubanze murebe ku isi umubare w’abakunda intambara ni muto. Urumva rero insinzwi aho iri.

Hari uburozi duhishwa. Nk’iyi myaka y’imituburano. Uretse kuba nta buziranenge, iranateza inzara. Kuko irwara nk’abantu kandi ikarumba kurusha isanzwe. Abahinzi barangana iki? Nibatahura ubwo bugome batapfa bizagenda gute? Ni nde uzahomba ari bo na Ministre w’ubuhinzi bworozi? Kuringaniza urubyaro birashoboka cyane udakoresheje izo nzira. Ibyo ni ibyaha bikorwa byagambiriwe.

Hari ukutumvikana nk’abanyarwanda ngo byibura dutegeke abandi ariko twe turi umwe. Ibi ni igihombo ku bayobozi nubwo babishoramo cash. Umwanzi ateye, umurinzi azabanza gusubiranamo n’uwo arinze mbere yo guhangana n’umubisha…

Ibi ababirwanya si twe bizahombya, twe turabizi wenda tuzanabikwepa. Kandi naho tutabikwepa, si twe duhomba cyane.

Criminal Paul Kagame

[Paul Kagame]

ABAZASIMBURA KAGAME BAZASANGA U RWANDA RUGEZE HE ?

1. KAMINUZA ZA KAGAME ZIRUTWA NA CERAI ZA KINANI

Intango

Hashize imyaka 22 FPR ifashe u Rwanda ku ngufu. Ariko dufatiye ku ntambara yatangijwe na bamwe mu bari bagize igisirikari cya Uganda, navuga ko hashize imyaka 26 u Rwanda ruri mu midugararo yintambara. Nyamara kugeza mu myaka yi 1994, uburezi bwo mu Rwanda bwari bugifite imbaraga, ku buryo umunyarwanda wajyaga kwiga mu mahanga, atagombaga kubanza gukora ibizami byo kumushyira mu cyiciro. Wasangaga n`abiga mu gihugu, guhera muri Kaminuza kugeza mu mashuri abanza, buri wese ahabwa uburezi bufite ireme. Aho FPR igereye ku butegetsi, ikintu cya mbere yabanje kwica ni uburezi muri rusange. Ibyo ariko FPR ntiyabikoze biyitunguye, harimo ubushake bwa politiki. Ngo iyo igihugu cyuzuye injiji zibwira ko zize, umunyagitugu atwara abaturage iyo ashaka.

Twibukiranye

Byatangiye rubanda rubyita ibyigihe gito. Icyo gihe , ndavuga nyuma yintambara na jenoside, abanyeshuri bose bavugaga ko biga mu mwaka wa gatandatu w`ayisumbuye, bahawe impanyabumenyi. Iyo mpamyabumenyi yiswe Merci Kagame. Ibiri amambu, Pasteur Bizimungu ni we wari perezida. Ariko diplômes zitiriwa Kagame. Buri wese yakumva uwari afite ubutegetsi uwo yari we. Reka sininjire mu kuntu FPR yabujije abalimu kugira uwo basibiza, bukeye bati guhera ejo mu gitondo igifaransa kiraciwe. Bikomeza birindimukaaa, none bigeze muri za nayini na za twerve !
Kugereranya CERAI zo ku bwa Kinani na Université za Kagamé.

Mu gihe cyivugurura ryamashuli ryo mu mwaka wi 1978, ku myaka ibanza itandatu, hongeweho imyaka ibiri : uwa 7 nuwa 8. Iyi myaka ibiri, yibandaga ku masomo yimyuga. Abanyeshuri badashoboye gukomeza mu mashuri makuru – dore ko yari imbarwa – bakerekeza mu cyitwaga CERAI. Mu magambo yigifaransa, byari Centre denseignement rural et artisanal intégré. Ni ukuvuga Ikigo cyinyigisho zimyuga nubukorikori byo kuzamura icyaro.

Ayo mashuri ntaho yari ahuriye na Kaminuza, cyangwa se amashuri yisumbuye asanzwe, ariko abayigagamo, iyo barangizaga, muri rusange babaga bafite ubuzima buruta kure ubw`urangije Kaminuza za Kagame. Dore ingero zifatika.

Ababaga barangije CERAI, babaga bafite ubumenyi rusange buhambaye, kuko bakomezaga gahunda yamasomo ajya gusa nayatangwaga mu myaka ya mbere yamashuri yisumbuye. Bakigishwa ubumenyi bwisi, amateka, imibare, indimi nibindi. Kuri ibyo bakongeraho ibijyanye nimyuga nubukorikori bunyuranye : guteka, gutaka, kudoda, kubaka, kubaza, nibindi.

Iyo babaga barangije CERAI, ntibaburaga isoko ryumurimo. Benshi muri bo bahabwaga amahugurwa yimbitse, bagahita baba abarezi mu mashuri abanza. Ndetse abinkwakuzi bigishaga no muri izo CERAI. Twese tuzi uburyo umwarimu wo hambere aha yabaga yiyubashye, kugeza nubwo we ubwe atanga akazi. Abandi bagatangira ubwo imirimo yo kubaka no kubaza, ku buryo babaga bashobora kwitunga no gutunga ababo. Hari nabafataga inzira zigisirikari cyangwa igipolisi (gendarmerie), mu gihe abandi bakoraga imirimo inyuranye mu bigo bitandukanye : mu mavuriro, muri za komini, mu nkiko, nahandi. Muri rusange, nyuma yimyaka itatu yamashuri yimyuga, babaga barabaye abagabo nabagore igihugu gishobora kwizera. Dore ko numuco wabantu, ikinyabupfura no kubaha, bari babifite. Nta muntu wize CERAI utarashoboraga kwiyandikira ibaruwa isaba akazi, kandi mu gifaransa cyiza.

Bari abasore n`inkumi bacyeye, kandi biyubashye. Ku buryo abenshi muri bo babaye abayobozi mu biturage, mu gihe abandi bashoboraga kwinjira mu Bihayimana, abandi bagashinga ingo ari nta mururumba wundi.

Bite rero bya Kaminuza za Kagame ?

Duhereye ku burere. Uko kaminuza zisigaye zimeze, biteye agahinda. Ku buryo prof Dr Rwigamba Balinda presida wa ULK, yemeza ko zimwe zigishiriza ahantu hameze nko mu maduka (reka Izuba rirashe ryo ku wa 11/08/2016). Umubare wazo, usigaye ukabakaba uwa za CERAI zari mu Rwanda ku bwa Habyalimana. Inyinshi muri zo zabaye indiri ya ruswa zigitsina nubundi butindi bunyuranye : kwiba, urumogi, imico mibi yose ijyana nubukene, nibindi. Uru rubyiruko kandi ntwarurenganya. None se, wakwiga inzara igutema amara ; ukiga uryama nabi kurusha itungo ; nta ka buruse, nta gafashanyo, ukaba intanga rugero ute ?

Turebe uburezi. Aha ho ni agahomamunwa. Nta cyo ndi buvuge ku barimu ba kaminuza, kuko mbigiyemo inyandiko itarangira. Reka twivugire abanyeshuri. Ni ubwa mbere mu mateka yu Rwanda, ahari wenda nayisi yose, uwize Kaminuza adashobora kwisobanura mu rurimi na rumwe. Mu Rwanda ubu dufite ikibazo. Nta kinyarwanda, nta gifaransa, nta cyongereza, nta giswayili, nta kiganda, nta kirundi. Byose byabaye “melanger ya byose”. Ni potopoto, nkuko bivugwa mu giswayili. Ni imvange mbi cyane yayindi itera mu nda. Na none kandi, abenshi muri abo baminuje, ntibashobora kumenya kwiyandikira ibaruwa isaba akazi. Mu ruhe rurimi se ? wibaza nicyo bize, ugaheba. Ariko kandi birumvikana. Ba bene se bigishijwe nabarimu bameze bate ? Ibyo byose bikabaho, mu gihe abana bo mu gatsiko bo bafite amashuri yihariye, na kaminuza zikomeye iyo mu mahanga. Amafranga abarihira, ava mu misoro y`Abanyarwanda !

Mu kazi rero. Ha mbere aha, Abanyarwanda bize, basekaga abo muri Congo, ngo bariga bakabura icyo bakora iwabo, bakaza mu Rwanda. Nyamara aho bakoraga batangaga ubumenyi, kuko iwabo babaga barize neza. Reba noneho abize muri za Kaminuza za Kagame. Ni ubwa mbere mu mateka yisi, abantu biga kaminuza mu gihugu cyabo, bakabura akazi, bajya no mu mahanga ya hafi ntibashobore kukabona, kuko ari nta cyo baba barize. Mu bihugu byamahanga, abakozi bakomeye baba bafite diplome yamashuri yisumbuye gusa. Hano iwacu, abafite amalisansi bicaye gusa ni benshi. Bamwe muri bo, bahindutse ababoyi, abayaya, abazamu nabakorereza mu bipangu by`abantu batize nka bo. Babarusha gusa kuba bafite bene wabo mu gatsiko kari ku butegetsi.

Abashaka gukorera politiki mu gihugu ku buryo mwasimbura Kagame nagatsiko ke, mutangire mushake ingamba zatuma urubyiruko rwu Rwanda, rwongera guhesha ishema uburezi, muhereye ku gushakisha inzira igarurira icyizere cyo kubaho Abalimu bo mu byiciro binyuranye. Ntibizoroha kandi, kuko uburozi bwa FPR mu rubyiruko, bumaze kuba bwinshi cyane. Imyaka ibaye 22 yose. Umwana wimyaka makumyabiri nibiri, iyo yapfuye mu iterura, ntibyoroha kumugorora.

Byiringiro Aminadabu,

Criminal Paul Kagame

[Paul Kagame]

Gutangira iyi nyandiko twibaza niba umufasha w’umukuru w’igihugu Yohanita Nyiramongi yaba arengana, si ukuvuga ko ari umwere byaba mu miyoborere y’igihugu kiri mu maboko y’umugabo we cyangwa mu buryo bw’ukuntu abanye n’umugabo we ahubwo ni ukwibaza niba nta nyoroshyacyaha yabonerwa imutera kwifata uko yifata.

Uretse ko bizwi ko Yohanita Nyiramongi akiri umukobwa yagacishijeho iyo za Bujumbura, Kigali, Nairobi n’ahandi ariko na none Perezida Kagame nawe ntabwo yamutera ibuye ku bijyanye no guca inyuma uwo bashakanye.

Mu muco nyarwanda kenshi umugabo ubyaye hanze cyangwa ugiye mu busambanyi hanze akunze kutarebwa nabi mu buryo bumwe n’umugore ubyaye umwana utari uw’umugabo we cyangwa uvuzweho ubusambanyi afite umugabo ariko ntabwo bishatse kuvuga ko ibibera mu rugo kwa Kagame n’ibitagenda neza byose bishyirwa ku gahanga ka Nyiramongi nk’aho Kagame we ari shyashya.

Ntabwo twarondora ibyakozwe na Perezida Kagame byo guca inyuma umugore we no kubyara hanze ngo tubirangize kuko ni byinshi ariko twatanga ingero zimwe zifatika cyangwa zavuzwe cyane  kugira ngo abafite icyo bazi cyangwa abasesengura twibaze niba nta kindi Kagame yaba apfa na Nyiramongi uretse gucana inyuma.

Birazwi ko Perezida Kagame afitanye umwana na murumuna w’umugore wa Kizza Besigye uyu wabijije icyuya Perezida Museveni, ibi bikaba ari nabyo bituma umubano wa Museveni na Kagame ujya uzamo agatotsi rimwe na rimwe. Umugore wa Besigye witwa Winny Byanyima nawe ni umuntu ukomeye mu rwego mpuzamahanga kuko ategeka umuryango mpuzamahanga witwa Oxfam International. Uretse n’ibyo akaba yarabaye ihabara ya Perezida Museveni imyaka myinshi mu gihe bakoranaga, umuryango wo kwa Byanyima ni umuryango munini ufite abantu benshi bize kandi bari mu nzego nyinshi z’ubuyobozi kugeza mu rwego mpuzamahanga. Kuba Kagame yarabyaye umwana muri uwo muryango byatumye yisanga yaguye rimwe na rimwe mu mutego wo gufasha Kizza Besigye amuha amafaranga n’ibindi.

Si aho gusa kuko ababaye mu ntambara ya FPR nabo bazi byinshi ku bijyanye n’imyitwarire ya Perezida Kagame n’abari abagore be kugeza n’aho bihindutse ikimenya bose. Ni nde mu bantu babaye muri FPR ikiri mu ishyamba utazi ibya Nyakwigendera Aloysia Inyumba na Perezida Kagame? Ibye na Lt Col Rose Kabuye se byo hari ubiyobewe?

Duhagarariye aho umuntu wenda yagira ngo Perezida Kagame avuye mu ishyamba yacishije make, ariko siko bimeze kuko yarushijeho kubera ingufu yahabwaga n’ubutegetsi bwari mu maboko ye ikibabaje ni uko izo ngufu zasenyaga ingo z’abandi kugeza n’aho abagabo bamwe bahaburira ubuzima, ibyabaye kuri Kajangwe mwarabyumvise ko mu byo yazize harimo umubano udasanzwe w’umugore we na Perezida Kagame. Si aho gusa kuko dufite amakuru y’uko n’umugore wa Piyo Mugabo nawe yari ihabara ya Perezida Kagame mu gihe Piyo Mugabo we yari yarahisemo kumarira agahinda ke mu nzoga. Hari n’amakuru avuga kandi ko mu gihe Ambasaderi Gasana yihereranaga Nyiramongi na Perezida Kagame nawe yabaga yatambikanye Teteri umugore wa Ambasaderi Gasana!

Mu gusoza twarangiza twibaza tuti: Ese izi nkuru z’uko Yohanita Nyiramongi yabyaranye na Ambasaderi Gasana zaturutse hehe kuki zivuzwe ubu?

Umwe mu basaza b’inararibonye yagerageje kuraguza umutwe no gusesengura atangira kwibaza niba nta bantu bo muri FPR bazi aya mabanga kuva kera bashatse kuyakoresha ngo bikize Yohanita Nyiramongi cyangwa bagabanye ingufu ze mu butegetsi.

Akongera akanibaza niba iki kibazo cya Yohanita Nyiramongi abo bantu bakizamuye bari mu butegetsi bwa FPR bataba barakizamuye bahereye kuri Nyiramongi ariko mu by’ukuri bashaka Perezida Kagame dore ko hari benshi muri FPR babona Perezida Kagame arimo ashyira FPR mu kaga ku buryo asa nk’uwayifasheho ingwate ngo narunduka azarundukane nayo?

Ese kuba bivugwa ko Yohanita Nyiramongi atari umukobwa wa Murefu ahubwo nyina yaba yaramubyaranye n’umuntu uturuka mu muryango wo hafi y’umwani Kigeli V Ndahindurwa byaba bifite icyo bivuze muri iki kibazo?

Criminal Paul Kagame

[Paul Kagame]

Amakuru  aravuga ko umufasha w’umukuru w’igihugu cy’u Rwanda, Yohanita Nyiramongi yahukanye, akajyana n’abana babiri Ian Cyigenza Kagame bivugwa ko yabyaranye na Ambasaderi Gasana ndetse na Ange Kagame.

Umuntu uri hafi y’umuryango wa Murefu (Se wa Yohanita Nyiramongi) tudashatse kuvuga amazina kubera umutekano we yabwiye umuntu wacu uri i Kigali ko umufasha w’umukuru w’igihugu amaze iminsi yibera kwa nyina i Nyarutarama!

Uwo muntu yemeza ko icyatumye amenya bidasubirwaho ko Yohanita yahukaniye kwa nyina ari uko hari abantu benshi bari basanzwe basura nyirabukwe w’umukuru w’igihugu bisanga none kuri ubu basa nk’abakumiriwe, ibyo bikaba byaratumye yibaza impamvu dore ko n’ubundi Yohanita yasuraga nyina abantu bagakumirwa ariko ntibimare igihe kinini nk’icyo bimaze ubu (ubundi byabaga ari amasaha make)

Uwo muntu avuga ko ibyo bishobora kuba bimaze igihe kigera ku cyumweru cyangwa kirenga dore ko ngo abo mu miryango y’inshuti babwirwa ko Yohanita aba ahari kenshi kuko muri iyi minsi nyina atameze neza bikaba bivugwa ko arwaye!

N’ubwo bwose bitatangajwe ku mugaragaro hari ibimenyetso byinshi bishimangira iyi nkuru:

-Muri iyi minsi ntabwo Yohanita Nyiramongi arimo kugaragara mu ruhame nko mu minsi ishize

-Ku munsi w’amavuko wa Yohanita Nyiramongi ari nawo Ambasaderi Gasana yirukaniweho ntabwo Perezida Kagame yigeze yifuriza umufasha we isabukuru nziza ahubwo yigiriye mu nama ya Guverinoma yo gukuraho Ambasaderi Gasana, ubundi asubiza twitter y’umukobwa we Ange amusaba kwita kuri nyina nk’aho batari kumwe cyangwa badaherukanye!

-Abatuye hafi yo kwa nyirabukwe wa Perezida Kagame hari abavuga ko bamaze babona uburinzi, imodoka n’abasirikare bacicikana muri urwo rugo no hafi yaho mu buryo budasanzwe.

Ubu mu rugo kwa Kagame bisa nk’ibyacitse kuko umugore yahukanye ajyanye abana 2, naho Kagame asigarana abandi 2 barimo umukuru Ivan Cyomoro Kagame bivugwa ko asigaye yikundira agacupa kurusha ibintu byose na Brian Kagame umuhererezi twavuga ko atazi icyatsi n’ururo.

Uretse igenda ry’umugore we Kagame bigaragare ko yashegeshwe n’uko Ange yafashe uruhande rwa Nyina kandi ari we Kagame yasaga nk’aho atezeho amakiriro dore ko Ivan Cyomoro we yibera mu kabari na mucuti we mushya basigaye badasigana muri zo gahunda z’icupa, uwo nta wundi ni Lt Gen Karenzi Karake!

Mu gihe iyi nkuru irimo gucicikana ni nako amakuru menshi ajyanye nayo arimo kwisukiranya ubutitsa ndetse bimwe byabaye kera bikibagirana byagarutse mu mitwe y’abantu. Urugero ni amakuru yahurijweho n’abantu batandukanye avuga ko igihe Yohanita Nyiramongi ajya kubyarira uriya mwana Ian Cyigenza Kagame mu Burayi, nyina wa Ambasaderi Gasana ariwe wamutindiye ikiriri! Benshi icyo gihe babibonye nk’aho ari igikorwa gisanzwe mu muco nyarwanda kuko n’ubundi imiryango yombi yari isanzwe ari inshuti kandi inaturanye. Kuri ubu abantu nibwo basonabukiwe ko nyina wa Ambasaderi Gasana yatindaga ikiriri kubera ko ari umwuzukuru we wari wavutse dore ko abazi mushiki wa Ambasaderi Gasana bavuga ko ari we usa n’uriya mwana cyane!

Ikindi kivugwa kuri iki kibazo ni uko mubyo Capitaine Rushema azira (ubu afungiye Iwawa) hashobora kuba harimo kuba ari we waba waratumye inkuru z’uyu mwana Ian Cyigenza zikwirakwira hanze!

Mu gusozo twakwibaza niba iki kibazo kizarangira mu mutuzo cyangwa kizakurikirwa na serwakira yasakuma abantu bashyizwe mu myanya kubera ingufu za Yohanita Nyiramongi, abashobora kwibasirwa cyane ni abantu baturutse i Burundi no muri Congo biganje mu barinda Perezida Kagame no mu zindi nzego z’ubuyobozi.

Mu gihe Kagame yatandukana na Yohanita Nyiramongi burundu iyo serwakira ishobora kuba ari rurangiza ku buryo yagera mu bantu nka Gen Musemakweri, Gen Kazura cyangwa Col Will Rwagasana n’abandi tutibagiwe ko ingufu z’abantu nka ba Gen Jack Nziza zagabanuka bikaba bishatse kuvuga ko ingufu z’abantu nka Gen Emmanuel Ndahiro n’abandi zakwiyongera cyane cyane ko birimo guhwihwiswa ko ambasaderi Gasana ari mu biganiro na bamwe mu banyapolitiki batavuga rumwe na Leta! (iyo ni indi nkuru tugikorera iperereza tuzabagezaho ubutaha)

Criminal Paul Kagame

[Paul Kagame]

ITANGAZO
No 028/2016 rya Groupe
INTWARI ZA CNDD-FDD
ryo ku wa 20/08/2016
______________________
Tubanje gushimira Imana Mushoboravyose yo Nyene ubutungane budahabwa ibiturire canke ngo butamikwe ivyipfuzo vy’abangushi nk’ivyatamitswe UBURAYI.
IHABWE.ICUBAHIRO.Com

Umwaka urarangiye Uburundi busimvye imanga bwari bwateguriwe n’abansi b’igihugu babifashijwemwo na ba mpemuke ndamuke.

Hari kwigenekerezo rya 20/08/2015 aho umukuru w’igihugu yitorewe n’abenegihugu maze yemezwa n’Imana,aho yarahira ubwambere inyuma y’aho abagambanyi bashakiye gutembagaza ubutegetsi maze bibata kuw’amazi,aho yarahirira abanegihugu ko agiye kubakorera ivyo bamutumye adahigimanze.

‪#‎Sans_Erreur‬ yarahiye abandi bamwe bitwa ba ‪#‎mujeri‬ bariko bategatega imitego maze bagakwiragiza ibihuha mubenegihugu bavuga ngo naho arahiye ntazotwara amezi 3 nk’ayo NDADAYE yatwaye,ariko bakibagira ko SANS ERREUR ari ‪#‎Pasteur‬,Madame SANS ERREUR nawe ari ‪#‎REVERAN_PASTEUR‬.

Groupe INTWARI ZA CNDD-FDD irashimiye abenegihugu bagumye kukivi,INGABO zitanze kurugero ruhambaye,hamwe n’abakunzi babandanije kuba hafi y’igihugu cacu.

Sangwa intsinzi BURUNDI.

Mû kurangiza,
Groupe INTWARI ZA CNDD-FDD iripfurije umunsi mukuru mwiza aba ‪#‎PATRIOTES‬ Bose aho bari hose,ikanabasaba kuguma k’urugamba biyemeje kuko umwansi aticaye,maze haze hahere uyundi mwaka atakaryogora mû gihugu cacu.

– Ni hahangame ubushake bwabenegihugu
– Ni hahangame INTWARI zitanze
– Ni hahangame umugabo atari imbundege,NYENICUBAHIRO PASTEUR Pierre NKURUNZIZA.

Bigiriwe i Bujumbura,
Ku wa 20/08/2016
Inama nshingwabikorwa ya groupe
INTWARI ZA CNDD-FDD.

Criminal Paul Kagame

[Paul Kagame]

Iwacu kwa Paul Kagame twashyize pe Nkubu hari byinshi mbona baduteje bikambabaza nkubu baduteje inzara ubishanga baratwaye ngo niterambere inkunga ziraza aho guhabwa abozikwiye bakaziha abo zitagenewe ndebera nk’ ubwisungane mukwivuza umuntu ararembera murugo yaratanze amafaranga ngo igihe cyazo ntikiragera aye nibyinshi sinavuga ngo ndangize abantu baraduteza ubukene bakuzuza abanyamahanga murwanda bakabuza abantu ibyo bagakoze nibyo bakoze bakabasoresha bagatinya gukora kuko imisoro irenze ibyo bakora vagahitamo kubireka ubwose aho tutazaherinyuma mubukene niryari koko