Paul Kagame hamwe n’abagize ishyaka rya FPR nibo bapfobya jenoside babizi neza kandi babishaka.
Iri ni isesengura mateka rya Mwalimu.
Abahanga mu myumvire n’imiterere y’ibyaha bikorwa , bemeje ko abantu baba barateguye umugambi wa jenoside , baba barabyize neza, uburyo bazayikora , uburyo bazayihakana n’inzira zose zizakoreshwa mu kuyihakana, bayishyira ku bandi bantu mu rwego rwo kuyobya uburari.
Aha, sinje guhakana jenoside yakorewe abatutsi, kuko yakozwe izuba riva, ikorwa n’abantu bazwi kandi bayikorera abo bazi. Iyi jenoside y’abatutsi, ubwo ndi bushake uko na yo nza kuyisobanura by’umwihariko.
Muri iyi nyandiko, nifuje kwibanda ku ruhari rwa Paul Kagame yagize mu gutegura jenoside (planification du génocide) yakorewe abahutu, kuyishyira mu bikorwa no kuyihakana.
Kuki nemeza ko Paul Kagame, kimwe n’abayobozi b’ishyaka rya FPR bapfobya jenoside ?
Ibango rya mbere :
Paul Kagame, mu rwego rwe rw’umukuru w’ingabo z’inyeshyamba zateye igihugu cyigega, u Rwanda, yaricaye, ategura uburyo azatera, ibikoresho bizamufasha n’inzira zose azakoresha.
Paul Kagame yanateguye kandi n’ uburyo azakoresha mu kwica abantu bose azajya asanga mu nzira azanyuramo , abatamwemera cyangwa abatemera poritiki ye. Ibi ni ko byagenze hagati ya 1990 kugeza 1994, mbere y’ihanurwa ry’indege ya Perezida Habyarimana Juvenal. Abasirikare bayobowe na Paul Kagame bishe abaturage bo mu turere twose ingabo ze zanyuzemo, Byumba, Kibungo, Ruhengeri, abaturage bicwa nabi, bicishijwe urusasu, za grenades, udufuni n’ibindi, bazira gusa ko ari abahutu.
Iyo ubwo bwicanyi bwamaraga gukorwa, ingabo za FPR zahitaga zitegura discours ihakana ko atari bo bishe abo baturage mu turere twategekwaga n’inkotanyi. Ibi byitwa gupfobya jenoside y’abahutu.
Ibango rya kabiri :
Paul Kagame, kugira ngo abashe kugera ku butegetsi no kubwiharira , yirengagije amasezerano y’amahoro yari amaze gushyirwa mu bikorwa Arusha , amasezerano yateganyaga uko abanyarwanda bazabana bamaze gukemura ibibazo byose byabashyamiranyaga. Ibyo byose Paul Kagame abirengaho, akora umugambi wo kurasa indege ya Habyarimana, agamije kuroha igihugu mu ntambara y’amoko.
Ibi ni ko byagenze, kuko nkuko byari byaratekerejwe, ni nako byahise bigenda. Indege yararashwe, maze abaturage, utaretse n’abasilikare ba FPR, bahita biroha mu bwicanyi bwa bagenzi babo badahuje ubwoko.
Paul Kagame yari yarashyizemo umutwe wihariye witwa network Commando uyobowe na Karenzi Karake, uwo mutwe ukaba wari ushinzwe kwivanga mu baturage, no mu mashyaka atandukanye kugira ngo uyobore ubwicanyi bw’inzirakarengane . Abantu barishwe, igihugu cyose kicwa n’abagizibanabi baje kwitwa interahamwe. Ubwo bwicanyi bwatekerejwe kandi bugashyirwa mu bikorwa na Paul Kagame buza kwitwa jenoside.
Ibango rya gatatu :
Paul Kagame n’ingabo ze bakoze icyitwa itsembatsemba ry’abahutu mu turere banyuzemo mbere y’ifatwa ry’ubutegetsi bwose, muri 1994. Ubwo bwicanyi bwaje gukomeza gukorwa mu gihugu hose mu myaka yakurikiye 1994 kugeza 2015.
Paul Kagame yaje gutera Kongo agambiriye kujya kwicirayo impunzi z’abahutu zari zarahungiyeyo, abahutu b’abanyarwanda n’abarundi ndetse n’abaturage b’abanyekongo, bicwa bunyamaswa nta mbabazi, bishwe n’ingabo za Paul Kagame.
Ibango rya kane :
Mu rwego rwo gusibanganya ibimenyetso Paul Kagame yashyizeho ibigega birengera inyungu z’abacitse ku icumu b’abatutsi, ababumbira muri IBUKA, FARGE, Avega, Agahozo n’ibindi.
Ibi bigega bikaba bishinzwe gusa kurengera inyungu z’abatutsi bacitse ku icumu rya jenoside yiswe ko yakorewe abatutsi.
Paul Kagame yashyizeho igihe cy’amezi atatu cyo kwibuka inzirakarengane z’abatusti zishwe mu gihe cya jenoside , muri cyo gihe cyihariye, abatutsi bagashyingurwa mu cyubahiro, kandi ababo bakabibuka ku mugaragaro.
Ibango rya gatanu :
Birabujijwe kuvuga ko hari indi jenoside yabayeho usibye jenoside yakorewe abatutsi. Ubwicanyi bwakorewe abahutu, uko bwaba bwarabaye kose, uwaba yarabukoze wese, n’uburyo bwaba bwarabayemo kose, birabujijwe kubuvuga no kubuha inyito ya jenoside .
1. Birabujijwe kuvuga ko FPR yishe abahutu, ibizi kandi ibishaka.
2. Birabujijwe gusaba gushyiraho ibigega birengera imfubyi z’abahutu.
3. Birabujijwe kwibuka abahutu bishwe urubozo n’ingabo za FPR.
4. Birabujijwe guhyingura ku mugaragaro abahutu bishwe n’ingabo za FPR.
5. Birabujijwe gutanga imibare y’abahutu bishwe n’ingabo za FPR kuva yafata ubutegetsi na nyuma yaho .
6. Birabujijwe gusaba inkiko zaburanisha abantu bo muri FPR bishe abahutu.
7. Birabujijwe kuvugira ku butaka bw’u Rwanda ko abahutu bakorewe jenoside.
Ibi byose byo guhakana jenoside yakorewe abahutu ni byo bigira Kagame n’ishyaka rya FPR ko ari bo bapfobya jenoside yakorewe abahutu bo mu Rwanda.
Kwica abahutu ubatwitse, kubahamba mu byobo rusange, kubata mu migezi no mu biyaga, uzi neza ko ari abahutu, nyuma ugakoresha kubihakana, ibi na byo ni jenoside.
Ku byerekeye jenoside yakorewe abatutsi :
Nta muntu n’umwe wakagombye guhakana ko irya jenoside itabaye , ahubwo buri wese uvugwa yagombye kwerekwa uruhari yagigizemo, cyangwa akavuga ko ntayo yigeze agiramo uruhari.
Abantu bagombye gusaba ko habaho amaperereza yigenga yerekana uwateje jenoside , uburyo yakoresheje n’icyo yifuzaga kugeraho.
Jenoside yaje kwitwa ko ari iyakorewe abatutsi yabaye benshi muri twe tureba, twayihagazeho, uburyo abatutsi bicwaga bazira gusa ko ari abatutsi, twarabibonye, ndetse n’abahutu bagiye bicwa bazira guhisha abatutsi. Uko Abahutu bishwe n’abatutsi, bazira ko ari Abahutu,nabyo byabaye ku mugaragaro.
Umwanzuro:
Nongeye kuvuga ko Kagame n’ishyaka rya FPR ari bo bapfobya jenoside babizi kandi babishaka. Gutegura intambara yo muri 1990, gutegura iraswa ry’indege ya Habyarimana no gutera inkambi z’impunzi zirimo abahutu, buri gihe yabaga neza ingaruka bizagira , akanga, akabikora, agambiriye ko bimugeza ku ntegano ze zo gufata ubutegesti , ni byo bitwa jenoside.
Abandi bahutu nabo bahakana ko jenoside y’abatutsi itabaye, nabo baba bayipfobya, kuko jenoside y’abatutsi yabaye abantu bose babibona. Umututsi yicwaga kubera ko ari umututsi.
Abantu bose bagize uruhari muri ubwo bwicanyi, baba abahutu cyangwa abatutsi, barahari, ndetse bamwe baranabyemera.
Ahubwo nihashakishwe ibimenyetso byose by’itegurwa ry’ayo marorerwa, bijye ahagaragara, amaperereza yose yakozwe ajye ahagaragara, ntihagire ikintu na kimwe gishyirwa mu bwiru, cyangwa ngo hagire abayibonamo ubudahangarwa , butuma bo ntacyo bashobora kuyibazwaho. Baba abishe abatutsi, baba abishe abahutu, bose bamenyekane, baba ababicishije, bose bamenyekane.
Iri sesenguramateka, mwarigezwagaho na Mwalimu .
Criminal Paul Kagame
